Muqdisho (Dawan) – Siyaasiyiinta mucaaradka ee ka soo jeeda Muqdisho ayaa soo saaray application/madal dijitaal ah oo lagu magacaabo "Hiil Shacab", taas oo ay sheegeen in loogu talagalay ururinta cabashada shacabka ee la xiriira waxa ay ku tilmaameen dulmi iyo cadaalad-darro ka dhan ah muwaadiniinta.
Sida lagu sheegay fariin ay faafiyeen mucaaradku, madashan ayaa shacabka loogu baaqayaa inay iska diiwaangeliyaan, iyagoo buuxinaya magacyadooda, degmooyinka ay ka soo jeedaan iyo nooca cabasho ee ay qabaan.
Cabashooyinka la sheegay in lagu ururinayo madasha waxaa ka mid ah dhul la sheegay in dad laga qaatay, barakac, cadaalad-darro, dulmi iyo cabashooyin kale oo la xiriira xuquuqda muwaadiniinta.