Mucaaradka oo ku baaqay banaanbax ka dhan ah dowladda

Mucaaradka ayaa ku dhawaaqay inay dhigayaan mudaharaad 10-ka May, kaas oo ay ku muujinayaan sida ay uga soo horjeedaan hannaanka siyaasadeed ee dowladda

May 6, 2026

2 daqiiqo akhris

Waxaa qoray Cabdullaahi Salaad - Reporter

Muqdisho (Dawan)– Mucaaradka fadhigoodu yahay Muqdisho ayaa ku dhawaaqay inay qabanayaan mudaharaad ballaaran oo dhacaya 10-ka May, kaas oo ay sheegeen in lagu muujinayo diidmo ku aaddan hannaanka siyaasadeed ee dowladda iyo xaaladaha ay ku tilmaameen cadaalad-darro iyo dulmi saameeyay shacabka.

Banaanbaxan ayaa ku soo beegmaya muddadii uu madaxweyne Xasan Sheekh ku casuumay mucaaradka wadahadal lagu waday in lagu falanqeeyo arrimaha siyaasadeed iyo sidii loo xallin lahaa khilaafaadka taagan ee doorashada soo socota

Si kastaba ha ahaatee, mucaaradka ayaa sheegay in ay doorbidayaan in codkooda ku muujiyan banaanbax nabadeed, si ay u soo bandhigaan sida ay uga walaacsan yihiin xaaladda siyaasadeed ee dalka.

Shariif Sheekh Axmed oo ku baaqay isu-soo-bax lagu taageerayo barakacayaasha

Maqaallo la xidhiidha

36 daqiiqo kahor

Golaha Mustaqbalka Soomaaliyeed oo shaaciyey hannaanka doorasho ee ay rabaan

1 saac kahor

Aadan Madoobe oo wareejiyay xilka Guddoomiyaha Golaha Shacabka

Madaxweynihii hore ee Soomaaliya, Shariif Sheekh Axmed, ayaa sheegay in muhiim ay tahay in la qabto banaanbax nabadeed oo lagu muujiyo xuquuqda shacabka, isagoo ku baaqay in dadku si wadajir ah uga qeybqaataan.

“Waxaan ugu yeereynaa shacabka Soomaaliyeed inay si nabad ah u soo baxaan si ay u muujiyaan taageerada dadka barakacay iyo kuwa ay saameeyeen xaaladaha jira,” ayuu yiri Shariif Sheekh Axmed.

Mucaaradka ayaa sidoo kale caddeeyay in aysan rabin wax rabshado ah, balse ay dalbanayaan in la ixtiraamo xuquuqda muwaadiniinta iyo in gargaar la gaarsiiyo dadka ay saameeyeen xaaladaha adag.

Dhinaca kale, dowladda Federaalka Soomaaliya ayaa hore u sheegtay in casuumadda loo fidiyay mucaaradka ay tahay mid muhiim ah, balse bannaanbaxa la qorsheeyay ayaa imaanaya xilli ay jirto xiisad siyaasadeed oo sii xoogeysaneysa.

Maqaallo kale oo aan kuu doorannay

2 saac kahor