Muqdisho (Dawan) – Siyaasiga mucaaradka ah Cabdiraxmaan Cabdishakuur Warsame ayaa beeniyay eedeymo dowladda Federaalka Soomaaliya u jeedisay hoggaamiyeyaasha mucaaradka, kuwaas oo sheegayay inay u adeegayaan dano shisheeye, isagoo ku tilmaamay eedeymahaas kuwo looga leexinayo doodda siyaasadeed ee dalka.
Cabdiraxmaan oo ka hadlayay barnaamijka Miizaan Podcast ee Dawan Media, ayaa sheegay in eedeymaha noocan oo kale ah ay muddo dheer ka jireen siyaasadda Soomaaliya, isla markaana aysan wax cusub ahayn.
“Eedahan iyo tuhmadan ah dowlado ajnabi ah ayaa ka dambeeya, waxaan u maleynayaa in waqtigoodii uu dhammaaday,” ayuu yiri.
Wuxuu sheegay in Soomaaliya ay weli u nugushahay faragelin shisheeye, taas oo uu ku sababeeyay hay'adaha dowladeed oo daciif ah, xuduudaha oo aan si buuxda loo xakameyn iyo awoodda dowladda oo aan si dhammaystiran uga shaqeyn dhammaan dhulka dalka.
