Maqaalka waa la soo dejinayaa...

Soo raraya...

Muqdisho oo martigelinaysa shir goboleed looga hadlayo ka hortagga xagjirnimada | Dawan TV | Dawan TV

Muqdisho oo martigelinaysa shir goboleed looga hadlayo ka hortagga xagjirnimada

Mas’uuliyiin ka kala socda Soomaaliya iyo dalalka Geeska Afrika ayaa ka wada hadlaya ka hortagga xagjirnimada, xoojinta nidaamyada digniinta hore , wadaagista xogta iyo xoojinta iskaashiga amniga

May 21, 2026

2 daqiiqo akhris

Waxaa qoray Zamzam Daqarre - Reporter

Muqdisho (Dawan) – Magaalada Muqdisho ayaa maanta martigelinaysa shir goboleed ku saabsan ka hortagga Xagjirnimada iyo Is-weydaarsiga Khibradaha, kaas oo lagu wado in ay ka qeyb galaan mas’uuliyiin, khubaro amni iyo wakiillo ka socda Soomaaliya iyo dalalka Geeska Afrika.

Shirka waxaa soo qabanqaabiyay Xarunta Qaranka ee Tubsan ee Ka Hortagga iyo La-dagaallanka Fikirka Xagjirka ah, iyadoo lala kaashanayo Barnaamijka Horumarinta Qaramada Midoobay (UNDP) iyo taageerada Hay’adda Iskaashiga Caalamiga ah ee Kuuriyada Koonfureed (KOICA).

Shirkaan ayaa lasheegay in lagu xoojin doono iskaashiga gobolka ee ka hortagga xagjirnimada, kor u qaadista nidaamyada digniinta hore iyo jawaabaha degdegga ah, iyo hagaajinta wadaagista xogta hay’adaha amniga iyo bulshada.

Maqaallo la xidhiidha

23 daqiiqo kahor

Soomaaliya oo taageertay mowqifka Shiinaha ee Taiwan

1 saac kahor

Qodobada ugu muhiimsan ee Wararka Dawan

Sida ku cad qorshaha shirka, kulanka waxaa kasoo qayb geli doona wakiillo ka socda dowladda Federaalka Soomaaliya, dowlad-goboleedyada, xarumaha la-dagaallanka argagixisada, ururrada bulshada rayidka, dhalinyarada, haweenka, cilmi-baarayaasha iyo dalalka gobolka oo ay ku jiraan Kenya, Itoobiya iyo Jabuuti.

Ajandaha shirka waxaa kamid ah soo bandhigista waayo-aragnimada Soomaaliya ee la dagaallanka argagixisada iyo ka hortagga xagjirnimada, nidaamyada digniinta hore ee Kenya, dood-cilmiyeedyo ku saabsan iskaashiga gobolka iyo qorshe lagu dejinayo hanaan-hawlgal mustaqbalka lagu xoojinayo wada-shaqeynta dalalka Geeska Afrika.

Qabanqaabiyeyaasha ayaa sheegay in shirka looga gol leeyahay in la helo talooyin wax ku ool ah oo lagu xoojinayo wada-shaqeynta hay’adaha gobolka, si loo wanaajiyo ka hortagga xagjirnimada iyo jawaabaha degdegga ah ee khataraha amniga.