Muran Jante ka bilowday kuna dhammaaday dil: Askari lagu xukumay dil toogasho

Muqdisho (Dawan) — Waxay ku bilaabatay jante yar oo sigaar lagu shito, balse daqiiqado gudahood waxay isu beddeshay muran sababay dhimashada Cabdicasiis Sheekh Xuseen. Afar bilood kaddib, ninkii lagu helay dilkiisa ayaa isaguna wajahaya xukun dil toogasho ah.

Dhacdadu waxay 15-kii May 2026 ka dhacday degmada Luuq ee gobolka Gedo, halkaas oo Dable Xoogga Maxamuud Axmed Faarax, oo loo yaqaan “Kabtan Dhashiike”, lagu eedeeyay inuu si ula kac ah u dilay Cabdicasiis Sheekh Xuseen.

Sida ku cad faahfaahinta dacwadda, labada nin ayaa isku arkay guri ku yaalla dhinaca beeraha ee degmada Luuq, iyadoo la sheegay inuu hore u jiray khilaaf u dhexeeyay.

Maxkamaddu waxay sheegtay in xilligaas Kabtan Dhashiike uu watay sigaar, isla markaana uu raadinayay jante ama kabriid uu ku shito. Wuxuu saaxiib ay wadaageen oo lagu magacaabo Koofi ka codsaday inuu u helo dab.

Cabdicasiis, oo isaguna watay jante, ayaa sida dacwadda lagu sheegay jeebkiisa ku ritay isaga oo aan siin eedaysanaha. Wax yar kaddib, murankii ayaa isu beddelay rasaas.

Maxkamaddu waxay sheegtay in Kabtan Dhashiike uu qori AK-47 ah laba xabbadood kaga dhuftay Cabdicasiis, kaas oo dhaawacyadii soo gaaray ugu geeriyooday goobta. Kiiska ayaa intaas kaddib galay baaritaan, waxaana Xafiiska Xeer Ilaalinta Ciidamada Qalabka Sida uu codsaday in Maxamuud Axmed Faarax maxkamad la soo taago. Codsigaas ayaa la oggolaaday 3-dii Sebteembar 2026. Intii ay dacwaddu socotay, maxkamaddu waxay dhinacyada siisay fursad ay ku soo bandhigaan doodahooda iyo caddeymaha la xiriira kiiska.

Ugu dambeyn, Maxkamadda Ciidamada Qalabka Sida ayaa sabtidii Maxamuud Axmed Faarax “Kabtan Dhashiike” ku xukuntay dil toogasho ah, oo ay maxkamaddu ku sheegtay qisaasta marxuum Cabdicasiis Sheekh Xuseen. Sidaas ayuu muran ay maxkamaddu sheegtay inuu ku billowday jante ama kabriid lagu shito sigaar ugu dambeyn ku sababay dhimashada hal nin iyo xukun dil ah oo lagu riday ninkii lagu helay dilkiisa.

Muran Jante ka bilowday kuna dhammaaday dil: Askari lagu xukumay dil toogasho

Aqalka Sare Soomaaliya oo ansixiyay sharciga macdanta iyo wax-ka-beddelka iibka qaranka

Guddi farsamo oo loo xilsaaray xallinta tabashooyinka ganacsatada Soomaaliyeed

Golaha Shacabka oo akhrinta koowaad marsiiyay heshiis ku saabsan iskaashiga macdanta Afrika

Qodobada ugu muhiimsan ee Wararka Dawan

Maqaallo La Xidhiidha

Ra’iisul Wasaare Xamsa oo la xisaabtan iyo qiimeyn ku sameeyay Golihiisa Wasiirrada

In ka badan 500 qaxooti Yemeni ah oo laga soo badbaadiyay xeebaha Obock ee Jabuuti

Soomaaliya iyo Talyaaniga oo dardargelinaya iskaashiga horumarinta wax-soo-saarka kalluunka

Qoraallo Cusub

Muran Jante ka bilowday kuna dhammaaday dil: Askari lagu xukumay dil toogasho

Aqalka Sare Soomaaliya oo ansixiyay sharciga macdanta iyo wax-ka-beddelka iibka qaranka

Guddi farsamo oo loo xilsaaray xallinta tabashooyinka ganacsatada Soomaaliyeed

Qaybaha