Nouakchott (Dawan) – Jamhuuriyadda Islaamiga ah ee Muritaaniya ayaa si adag u cambaareysay ku dhawaaqista Israa’iil ee ku aaddan aqoonsiga Somaliland, iyada oo tallaabadaas ku tilmaantay xadgudub cad oo ka dhan ah sharciga caalamiga ah iyo Axdiga Qaramada Midoobay.
War-saxaafadeed ka soo baxay Wasaaradda Arrimaha Dibadda, Iskaashiga Afrika iyo Muritaaniyiinta Dibadda ayaa lagu sheegay in go’aanka Israa’iil uu yahay jebin halis ah oo ka dhan ah mabaadi’da madax-bannaanida dowladaha iyo midnimada dhuleed, isla markaana uu khatar toos ah ku yahay nabadda iyo amniga gobolka iyo kan caalamiga ah, gaar ahaan Geeska Afrika iyo gobolka Badda Cas.
