Farmaajo ayaa habeenkii Sabtida hoygiisa kula kulmay xildhibaano aan tiradooda la shaacin, kadib 10 maalin uu Muqdisho ku sugnaa, hadal jeedin ku dhowayd 7 daqiiqo oo uu xildhibaanada u jeediyay ayuu uga hadlay waxyaabo badan oo uu ku sheegay inuu ku ogaaday muddadii uu joogay.
1- Dalka inuu ku jiro xaalad aad u adag. Xildhibaanadii uu la kulmay wuxuu u sheegay inaysan ka warheynin xaaladda dalka oo intooda badan aysan xitaa maqal waxa uu ku ogaaday 10 ka maalin oo uu Xamar joogay.
Maciishadda inay kor u kacday oo mushaaraadku joogaan halkii uu uga tagay. dalku ku jiro xaalad macluul oo ka daran Caga bararti xilikii dagaaladii sokeeyo dalka ka dhacday, “Dadka Soomaalida ah Heer waxa ay gaareen inay maalinkii hal mar wax cunaan ama maalin dhaaf. Macnaha waxaa lagu leeyahay mararka qaarkood caga bar weliba ka daran xiligii uu dagaalka sokeeye uu aad u darnaa uu dalka ka dhacaayey in hadda ay ka daran tahay.” ayuu yiri Farmaajo.
2- Wuxuu xildihbaanada u soo jeediyay maadaama ay miisaaniyadda 2026 ay hortaallo:
- In la kordhiyo Mushaarka shaqaalaha rayidka ah iyo ciidamada.
- In canshuurta laga yareeyo raashinka daruuriga ah.
3- Farmaajo waxuu sheegay In dadkii magaalada ee dowladda dhulka ka barakicisay ay ku sugan yihiin xaalad aad u adag. Wuxuu xildhibaanada ka codsaday in dwoladda cadaadis lagu saaro in dadkaase aan dhib kale loogu darin.
4- Wuxuu ka jawaabay hadalkii wasiirka dastuurka Soomaaliya ee xaqa muwaadinku dowladda ku leeyahay. Waxa uu ku dheeraaday xaqa muwaadinka ee dowladda ilaa uu ka gaaray in ceyr xaq u leeyihiin.