Muqdisho (Dawan) – Dowladda Soomaaliya ayaa soo dhaweysay heshiiska xabbad-joojinta ee u dhexeeya Mareykanka iyo Iiraan, iyadoo tallaabadan ku tilmaantay mid muhiim u ah dhisidda kalsoonida, ilaalinta nabadda iyo amniga gobolka iyo kan caalamkaba.
Soomaaliya oo xubin ka ah Golaha Ammaanka ee Qaramada Midoobay ayaa ku ammaantay Mareykanka hoggaaminta uu ka muujiyey arrintan, waxayna sidoo kale xustay doorka muhiimka ah ee Iiraan ku leedahay wadahadallada diblomaasiyadeed.
Dowladda Soomaaliya ayaa muujisay taageerada ay u hayso dhammaan dadaallada diblomaasiyadeed ee lagu doonayo in xal loogu helo khilaafaadka, iyadoo sheegtay inay diyaar u tahay ka qeyb qaadashada dadaallada caalamiga ah ee lagu yareynayo khataraha gobolka.
Sidoo kale, Soomaaliya waxay qadarin u muujisay dadaallada ay sameeyeen dalalka Sacuudi Carabiya, Ciraaq, Turkiga iyo Masar, kuwaas oo ka qayb qaatay dhexdhexaadinta iyo fududeynta wadahadallada. Dowladda Soomaaliya ayaa ku baaqday in la sii wado wadahadal joogto ah oo ku dhisan ixtiraam iyo iskaashi, si loo xoojiyo xasilloonida iyo nabadda gobolka.
