Jabuuti (Dawan ) – Ciidamada amniga Jabuuti ayaa sheegay inay gacanta kusoo dhigeen nin looga shakisan yahay ka ganacsiga hubka, kadib baaritaan socday afar bilood oo lagu bartilmaameedsanayay dhaqdhaqaaqyo dambiyeed oo ka jiray aagga loo yaqaan “Vietnam.”
Ciidanka ayaa sheegay in howlgalka ay fuliyeen ciidamada Cheick Moussa Brigade, iyagoo taageero ka helayay Kooxda Hawlgallada Gaarka ah ee ciidanka, taas oo qeyb ka ah howlgallada qaran ee lagula dagaallamayo dambiyada.
Sida ay sheegeen ciidamada, ninka la qabtay ayaa ku hubeysnaa bistoolad, iyada oo laga qaaday loona geliyay habraaca caddeymaha sharciga ah.
