Garoowe (Dawan) – Wasaaradda Gargaarka iyo Maareynta Masiibooyinka Puntland iyo Xarunta Maareynta Xogaha Khayraadka Biyaha iyo Dhulka Dowladda Puntland ayaa si wadajir ah u beeniyay digniin ay soo saartay Hay’adda Maareynta Musiibooyinka Soomaaliya ee SoDMA oo ku saabsan duufaanno iyo roobab culus oo kusoo wajahan qaybo kamid ah Puntland iyo deegaanada xeebaha inta u dhaxaysa 12-ka ilaa 17-ka May 2026.
“Kadib markii la sameeyay hubin rasmi ah, waxaan xaqiijinaynaa in xogtaasi aysan ahayn mid rasmi ah laguna go’aan qaadan karo,” ayaa lagu yiri war-saxaafadeedka.
Mas’uuliyiinta ayaa sidoo kale sheegay inay nasiib darro tahay in bulshada lala wadaago xog aan lahayn tixraac rasmi ah ama ilo lagu kalsoonaan karo.
