Garoowe (Dawan) – Puntland ayaa maanta oo Khamiis ah ku dhawaaqday inaysan qayb ka ahayn Ciidanka Xoogga Dalka Soomaaliya, ilaa ay heshiis dhammaystiran kala gaarto Dowladda Federaalka Soomaaliya oo ku saabsan hannaanka dhismaha ciidan qaran oo heer federaal ah.
Mowqifkan ayaa lagu sheegay war-saxaafadeed ka soo baxay kulan ay yeesheen Golaha Xukuumadda Puntland, kaas oo uu shir-guddoominayay Madaxweynaha Puntland, Siciid Cabdullaahi Deni, halka uu sidoo kale ka qaybgalay Madaxweyne Ku-xigeenka, Ilyaas Cismaan Lugatoor.
Golaha ayaa si qoto dheer uga hadlay xaaladda amniga Puntland, isaga oo xusay in khilaafka taagan uu salka ku hayo qaab-dhismeedka, maamulka iyo hannaanka sharci ee ciidanka qaranka.
Puntland ayaa hay’adaha amniga iyo caddaaladda fartay in aysan deegaannadeeda u oggolaan karin ama marin karin gaadiid iyo ciidamo aan ka tirsanayn maamulka Puntland.