Q/ Midoobay oo ku baaqday in wada-hadal lagu xalliyo xiisadda Koonfur Galbeed

UNTMIS ayaa muujisay walaac ku saabsan saameynta ay xiisadaha sii kordhaya ku yeelan karaan xasilloonida, amniga, midnimada iyo xaaladda bani’aadannimo ee Soomaaliya.

“Waxaan ku baaqaynaa wada-hadal wax ku ool ah, iyo in laga fogaado tallaabo kasta oo horseedi karta rabshado,” ayaa lagu daray.

Baaqan ayaa imanaya xilli ay sii kordhayaan khilaafaadka siyaasadeed ee u dhexeeya Muqdisho iyo maamulka Koonfur Galbeed, iyadoo maanta ay ka dhacday Koonfur Galbeed doorasho lagu muransan yahay, taas oo Cabdicasiis Laftagareen mar kale loogu doortay xilka, inkastoo Dowladda Federaalka ay ka hor timid, arrintaas oo sare u qaaday walaaca beesha caalamka ee ku aaddan suuragalnimada sii xumaanshaha xaaladda.