Doha ( Dawan) – Wasaaradda Arrimaha Dibadda ee Qatar ayaa si cad uga soo horjeesatay aqoonsiga Israa’iil ee Somaliland, iyada oo ku tilmaantay tallaabadan mid halis ku ah midnimada, madax-bannaanida, iyo xuduudaha Jamhuuriyadda Federaalka Soomaaliya. Bayaanka ay Wasaaradda Arrimaha Dibadda ee Qatar soo saartay 27ka Diseembar 2025 ayaa lagu caddeeyay mowqifka adag ee dalkaasi, iyada oo llagucaddeeyay in Qatar ay diiddan tahay isku day kasta oo lagu doonayo in lagu abuuro khilaafaad cusub oo khatar gelin kara midnimada Soomaaliya.
Qatar ayaa sidoo kale xaqiijisay taageerada buuxda ee ay u hayso hay’adaha sharciyadda Soomaaliya, iyadoo muujisay ka go’naanshaheeda ilaalinta amniga, xasilloonida, iyo danaha shacabka Soomaaliyeed.
“Dowladda Qatar si buuxda ayay u diidaysaa isku day kasta oo lagu abuurayo ama lagu soo rogo hay’ado kale oo khatar ku ah midnimada Soomaaliya,” ayaa lagu yiri bayaanka.
