Roobab mahiigaan ah oo hakiyay waxbarashada Jabuuti

December 22, 2025

2 daqiiqo akhris

Waxaa qoray Cabdullaahi Salaad - Reporter

Jabuuti, 22 December 2025 (Dawan)- Roobab xooggan oo si isdaba-joog ah uga da’ay Axaddii guud ahaan dalka Jabuuti, gaar ahaan caasimadda, ayaa sababay in si ku-meel-gaar ah loo xiro dugsiyada waxbarashada, iyadoo laga cabsi qabo fatahaado ay ka dhalan karaan khataro dheeraad ah.

Wasaaradda Waxbarashada iyo Tababarka Xirfadaha ayaa sheegtay in dugsiyada waxbarashadu ay xirnaan doonaan ilaa maalinta Arbacada oo ku beegan 24 December, iyada oo qiimeyn joogto ah lagu sameynayo xaaladda cimilada iyo heerka roobabka. Go’aankan ayaa yimid kaddib markii roobabka mahiigaanka ee da'ay habeenkii Axadda ay sababeen in waddooyinka qaar biyo fariistaan, taas oo keentay inay adkaato adeegsiga gaadiidka iyo socodka dadwaynaha.

Maqaallo la xidhiidha

5 daqiiqo kahor

Hoos u dhac ku yimid miisaaniyadda Gobolka Banaadir

4 saac kahor

Xal u helidda colaadda bariga Congo oo laga shiray

Xafiiska Qaranka ee Biyaha iyo Nadaafadda ayaa si degdeg ah uga howlgalay waddooyinka biya fadhiisadka ah, waxaana la furay bulaacadaha waddooyinka waaweyn ee caasimadda. Mas’uuliyiintu waxay sheegeen inay sii laba jibbaari doonaan howlaha, shaqaaluhuna ay ku jiraan heegan buuxa si loo hubiyo in isu-socodka gaadiidka dib loo soo celiyo loona yareeyo khataraha ka dhalan kara roobabka la filayo in ay sii socdaan.

Saadaasha cimilada ayaa muujinaysa in roobab kale la filaayo maalmaha soo socda, waxaana dadwaynaha lala wadaagay inay muujiyaan taxaddar dheeri ah, gaar ahaan marka ay isticmaalayaan waddooyinka iyo goobaha ay biyuhu fariisan karaan. Roobabkan mahiigaan ah ayaa kusoo beegmay xilli ay dib u dhaceen roobabkii dayrta ee gobolka, taas oo ka dhigtay roobabka hadda da’aya kuwo ka awood badan sidii la filayay, isla markaana saameyn ballaaran ku yeeshay magaalooyinka iyo gobollada Jabuuti.

Maqaallo kale oo aan kuu doorannay

5 saac kahor