Muqdisho (Dawan) – Magaalada Muqdisho ayaa maanta martigelisay Shirkii 4-aad ee Siyaasadda Dhaqaalaha ee Bangiga Dhexe ee Soomaaliya, kaas oo ay isugu yimaadeen masuuliyiin, khubaro dhaqaale, cilmi-baarayaal, hay’adaha maaliyadeed iyo bah-wadaagta horumarinta si ay uga wada hadlaan jihada dhaqaalaha dalka.
Shirka ayaa diiradda lagu saaray xoojinta xasilloonida maaliyadeed, maareynta khataraha dhaqaale iyo dhisidda kaabayaal maaliyadeed oo waara, iyadoo sidoo kale lagu falanqeeyay caqabadaha iyo fursadaha horyaalla kobaca dhaqaalaha Soomaaliya.
Wasiirka Maaliyadda Soomaaliya, Biixi Iimaan Cige, ayaa sheegay in kaalmooyinka maaliyadeed ee dibadda laga helo ay si muuqata hoos ugu dhaceen labadii sano ee la soo dhaafay, isagoo xusay in sannadihii 2024 iyo 2025 ay hoos u dhaceen 25%.
