Muqdisho (Dawan) – Shirkii la sugaayay maalmihii lasoo dhaafay ee u dhexeeyey Golaha Mustaqbalka Soomaaliyeed iyo dowladda ayaa maanta si rasmi ah uga furmay magaalada Muqdisho, waxaana kulanka lagu tilmaamay mid muhiim u ah xoojinta wadahadalka siyaasadeed, isfahamka qaran, iyo dib-u-dhiska kalsoonida u dhaxaysa hoggaanka dalka iyo golayaasha talo-bixinta.
Furitaanka shirkan, waxaa ka horreeyey qado sharaf uu Madaxweynaha Soomaaliya Xasan Sheekh Maxamuud u sameeyey Golaha Mustaqbalka, taas oo lagu muujiyey soo-dhaweyn iyo diyaar u ahaansho wada-hadallo dhexmara labada dhinac.
Sidoo kale, waxaa la qorsheeyey kulammo gaar-gaar ah oo ay yeeshaan dhinacyada ka qaybgalaya.
