Hargeysa (Dawan)- Xukuumadda Somaliland ayaa mamnuucday in dadka rayidka ah iyo kooxaha abaabulan ee hub ku dhex sita gobollada Awdal iyo Salal, iyadoo tallaabada ku sheegtay mid lagu xoojinayo amniga iyo wada noolaanshaha bulshada.
Wasiiru-dawlaha Wasaaradda Arrimaha Gudaha iyo Amniga Somaliland, Cabdirashiid Maxamed Axmed “Magaalo”, ayaa Sabtidii akhriyay go’aanka oo ka kooban shan qodob. Amarka ayaa dhaqan galay 20-ka Sebteembar 2026, saacaddu markay ahayd 2:00 duhurnimo, wuxuuna mamnuucayaa koox kasta oo abaabulan oo hubaysan iyo qof kasta oo rayid ah oo hub ku sita labada gobol.
Xukuumaddu waxay ciidamada ku amartay inay tallaabo sharciga waafaqsan ka qaadaan cid kasta oo lagu qabto hub sharci-darro ah. Hubka la qabto waxaa la wareegaya ciidamada, waxaana qofka sitay loo gudbinayaa hay’adaha garsoorka, sida lagu sheegay go’aanka.
