Somaliland oo qorshaynaysa in xogta ururrada siyaasadda loo beddelo nidaam dijitaal ah

Qorshaha casriyeynta ayaa sidoo kale ka kooban sameynta “Democracy Academy”, dib-u-habaynta dimuqraadiyadda, dhiirrigelinta ka-qaybgal loo dhan yahay, kobcinta axsaabta siyaasadda, isla-xisaabtanka iyo daahfurnaanta, sida ay Madaxtooyadu sheegtay.

Madaxweyne Cirro ayaa guddiga ku bogaadiyay dadaalladiidsa, wuxuuna ku boorriyey inay dardargeliso oo dhammaystirto hawlaha muhiimka ah ee horyaalla.

Madaxweynuha wuxuu sidoo kale sheegay in xukuumaddiisu ay garab taagan tahay guddiga, isagoo ku adkeeyay inay waajibaadkeeda u gudato si daacadnimo iyo xilkasnimo leh, si loo xoojiyo dhaqanka dimuqraadiyadeed iyo kalsoonida shacabka ee hay’adaha qaranka.

Guddiga waxay mas’uul ka tahay diiwaangelinta, kormeerka, kobcinta iyo xallinta khilaafaadka la xiriira axsaabta qaranka iyo ururrada siyaasadda, sida lagu sheegay warbixinta Madaxtooyada.

War-saxaafadeedka Madaxtooyadu ma sheegin goorta la bilaabayo ama la dhammaystirayo nidaamka kaydka xogta dijitaalka ah, mana bixin faahfaahin ku saabsan kharashka ama farsamada lagu hirgelinayo qorshaha.