Hargeysa (Dawan)– Somaliland ayaa taageertay howlgalkii militari ee uu Mareykanku ku qaaday dalka Venezuela, kaas oo lagu soo qabtay madaxweynihii dalkaas, Nicolás Maduro, sida lagu sheegay bayaan maanta oo Axad ah ka soo baxay Wasaaradda Arrimaha Dibadda Somaliland.
Somaliland ayaa howlgalkaas ku tilmaantay inuu ahaa “tallaabooyin caalami ah oo miisaaman,” kuwaas oo lagu doonayo in dib loogu soo celiyo nidaamka dastuuriga ah iyo sharcinimada dimuqraadiyadeed ee Venezuela. Waxa kale oo lagu adkeeyay in Somaliland ay la wadaagato Mareykanka mabda’a mid ah.
“Dowladda Jamhuuriyadda Somaliland waxay caddeyneysaa isku-duubnida ay la leedahay Mareykanka, waxayna rumeysan tahay in ka-qaybgalkeeda arriimaha caalamiga ahi uu gacan ka geysan karo yareynta dhibaatada bani’aadamnimada iyo la-dagaallanka shabakadaha dambiyada caalamiga ah,” ayaa lagu yiri bayaanka.
