Soomaaliya iyo Turkiga oo ka wada hadlay horumarinta kalluumeysiga iyo dhaqaalaha buluugga ah

Muqdisho (Dawan)– Wasaaradda Kalluumeysiga iyo Dhaqaalaha Buluugga ah ee Dowladda Federaalka Soomaaliya iyo Hay’adda Iskaashiga iyo Isku-duwidda Turkiga (TIKA) ayaa shalay ka wada hadlay fursadaha lagu horumarin karo kalluumeysiga iyo dhaqaalaha buluugga ah ee Soomaaliya, sida uu sheegay Wasiirka Wasaaradda Kalluumeysiga iyo Dhaqaalaha Buluugga ah, Axmed Xasan Aadan.

Kulanka ayaa waxaa ka qeyb galay wafdi ka socday xarunta dhexe ee TIKA, oo ay ku jireen khubaro ku takhasusay kalluumeysiga iyo dhaqaalaha badda, iyadoo looga hadlay doorka ay hay’addu ka qaadan karto horumarinta kalluumeysiga xeebaha Soomaaliya.

Wasiirka ayaa sheegay in wasaaraddu ay soo jeedisay in TIKA ay taageerto bulshada ku nool deegaannada xeebaha, gaar ahaan dhinacyada tababarrada farsamada iyo horumarinta xirfadaha la xiriira kalluumeysiga.

Qorshayaasha la soo jeediyay waxaa ka mid ah in dadka deegaanka lagu tababaro farsamooyinka kalluumeysiga, sameynta shabaqyada, maaraynta doomaha yaryar iyo hababka casriga ah ee looga faa’iideysan karo kheyraadka badda.

Wasiirku wuxuu sheegay in iskaashigan uu gacan ka geysan karo in bulshada xeebaha ku nool ay noqdaan kuwo leh xirfado sare, isla markaana si waara uga faa’iideysta kalluumeysiga si loo kobciyo wax-soo-saarka badda iyo sugidda cuntada.

Kulanka ayaa qeyb ka ah dadaallada lagu xoojinayo iskaashiga caalamiga ah ee horumarinta dhaqaalaha buluugga ah iyo ka faa’iideysiga kheyraadka badda Soomaaliya.

Soomaaliya iyo Turkiga oo ka wada hadlay horumarinta kalluumeysiga iyo dhaqaalaha buluugga ah

Markabkii ugu weynaa abid oo ku xirtay dekedda Doraleh ee Jabuuti

Qodobada ugu muhiimsan ee Wararka Dawan

Soomaaliya iyo UNOPS oo kala saxiixday heshiis lagu xoojinayo kaabayaasha beeraha iyo waraabka

“Safaaraddu waxay ku dhex taal Dhismaha”: Yuu Fiqi farta ku fiiqay kadib go’aankii Maxkamadda Sare ee doorashada Galmudug?

Maqaallo La Xidhiidha

Guddiga Doorashooyinka Soomaaliya oo aqbalay go’aanka Maxkamadda Sare, dibna u qabanaya doorashada Galmudug

Somaliland iyo Dowlad Deegaanka Soomaalida oo doonaya inay xoojiyaan ganacsiga marinka Berbera

UK oo hoggaamiyeyaasha Soomaaliyeed ugu baaqday inay horumariyaan wada-hadalka siyaasadeed iyo kala-guurka amniga

Qaybaha

Qoraallo Cusub

Markabkii ugu weynaa abid oo ku xirtay dekedda Doraleh ee Jabuuti

Soomaaliya iyo Turkiga oo ka wada hadlay horumarinta kalluumeysiga iyo dhaqaalaha buluugga ah

Qodobada ugu muhiimsan ee Wararka Dawan