Muqdisho (Dawan ) – Soomaaliya ayaa sheegtay inay Turkiga kala hadashay xoojinta iskaashiga arrimaha dal-ku-galka, iyadoo labada dhinac ay doonayaan inay fududeeyaan socdaalka isla markaana ay sii xoojiyaan xiriirka laba geesoodka ah.
Kulanka ayaa dhex maray Agaasimaha Guud ee HSJ, Mudane Mustafa Duhulow, iyo Safiirka Dowladda Turkiga u fadhiya Soomaaliya, Danjire Alper Aktaş.
Wadahadallada ayaa diiradda lagu saaray dib u eegista kulamadii hore iyo qiimeynta horumarka laga gaaray arrimaha dal-ku-galka, baasaboorrada iyo fududeynta safarka u dhexeeya labada dal.
Warka ka soo baxay Hay’adda Socdaalka Soomaaliya ayaa lagu sheegay in kulanku uu muujinayo dadaallada socda ee lagu hagaajinayo habraacyada dukumentiyada iyo kor u qaadista isu socodka muwaadiniinta u kala safra Soomaaliya iyo Turkiga.
