Soomaaliya iyo Turkiga oo kala saxiixday heshiisyo la xiriira tacliinta iyo sharciga baddaha

Xaruntan ayaa dowladda Soomaaliya ka taageeri doonta dib-u-eegista, casriyeynta iyo horumarinta sharciyada khuseeya arrimaha baddaha, iyadoo sidoo kale bixin doonta talo-bixinno farsamo oo lagu xoojinayo maamulka iyo ilaalinta kheyraadka badda.

Mas’uuliyiinta Soomaaliya ayaa sheegay in labada heshiis ay door muhiim ah ka qaadan doonaan dhismaha awoodda hay’adaha dowladda, kobcinta aqoonta iyo xirfadaha khubarada Soomaaliyeed, iyo horumarinta nidaamka sharciyeed ee lagu maamulayo baddaha iyo kheyraadkooda.

Waxay sidoo kale xuseen in heshiisyadani ay kusoo beegmayaan xilli Soomaaliya ay dardargelinayso dadaallada lagu horumarinayo waaxda baddaha, lagu tayeynayo hay’adaha dowladda, laguna xaqiijinayo ka faa’iidaysiga waara ee kheyraadka badda.

Mas’uuliyiintu waxay intaa ku dareen in heshiisyadu ay ka tarjumayaan heerka sii kobcaya ee iskaashiga Soomaaliya iyo Turkiga, gaar ahaan dhinacyada horumarinta kaabayaasha dhaqaalaha, dhismaha awoodda hay’adaha dowladda iyo kobcinta iskaashiga farsamo ee labada dal.