Soomaaliya oo 14-ka Oktoobar dhaqan gelinaysa kala saaridda Wasiirrada iyo Xildhibaannada

Muqdisho (Dawan) – Soomaaliya ayaa 14-ka Oktoobar dhaqan gelinaysa qodobo ka mid ah Dastuurka JFS ee 2026 oo kala saaraya xilalka Wasiirnimada iyo Xildhibaannimada, sida uu maanta oo Arbaco ah sheegay Guddiga Madaxabannaan ee Dib-u-eegista iyo Hirgelinta Dastuurka.

Guddiga ayaa warsaxaafadeed uu soo saaray ku sheegay in 14-ka Oktoobar ay dhaqan gelayaan Qodobka 81aad, Faqradda 1aad, xarafka (f), iyo Qodobka 117aad, Faqradda 3aad, xarafka (a) ee Dastuurka JFS ee 2026.

Sida ay dhigayaan qodobbada Dastuurka JFS ee 2026 ee Guddigu soo xigtay, Wasiirka isla markaana Xildhibaan ah wuxuu luminayaa xubinnimada Golaha Wasiirrada, halka xildhibaanku luminayo xildhibaannimadiisa haddii uu aqbalo xil kale oo dowladeed.

Dhaqan-galka qodobbadan ayaa saameyn kara 44 xubnood oo xukuumadda ka tirsan oo hadda sidoo kale xildhibaanno ah, kuwaas oo kala ah 16 wasiir, 13 wasiiru-dowle iyo 15 wasiir-ku-xigeen.

Qodobbada cusub ayaa sidaas xubnaha xukuumadda ee kuraasta ku leh Baarlamaanka hor dhigaya kala doorashada labada xil marka muddada dastuuriga ahi dhammaato 14-ka Oktoobar.

Dhaqan-galka ayaa imanaya marka ay dhammaato muddo lix bilood ah oo loo qabtay in tallaabooyinka maamulka lagu waafajiyo Dastuurka JFS ee 2026.

Guddiga ayaa sheegay in muddadaas ay bilaabatay 14-kii Abriil 2026, oo ahayd maalintii Dastuurku dhaqan galay, ayna ku eg tahay 14-ka Oktoobar. Guddoomiyaha Guddiga Madaxabannaan ee Dib-u-eegista iyo Hirgelinta Dastuurka, Avv. Burhaan Aadan Cumar, ayaa warsaxaafadeedka ku sheegay in hirgelinta qodobbadaasi ay tahay waajib dastuuri ah.

Guddiga ayaa sidoo kale tixraacay Qodobka 4aad ee Dastuurka JFS, kaas oo dhigaya in Dastuurku, Shareecada Islaamka ka sokow, yahay xeerka ugu sarreeya dalka, isla markaana ay waajib ku tahay dhammaan hay’adaha dowladda inay u hoggaansamaan oo ay ku dhaqmaan.

Soomaaliya oo 14-ka Oktoobar dhaqan gelinaysa kala saaridda Wasiirrada iyo Xildhibaannada

Dhallinyarada Soomaaliya oo isu diyaarinaysa Shirka Cimilada Adduunka ee COP31

Booliska Jabuuti oo xiray maamule xawaalad oo lagu eedeeyay inuu lunsaday $18,570

Koonfur Galbeed oo $130 ku xaddiday qiimaha tikidhka diyaaradaha ee Muqdisho

Soomaaliya oo Pakistan la gashay heshiis ay ku heleyso diyaaradaha dagaalka JF-17

Maqaallo La Xidhiidha

Guddoomiyaha Golaha Shacabka oo sheegay in Soomaaliya mudnaan siinayso wada-hadalka siyaasadeed

Xamse Cabdi Barre oo Balanballe ka dhagax-dhigay Guriga Nabadda iyo Dugsiga Agoonta

Jabuuti oo xirtay nin ku eedeysan faafinta muuqaallo xadgudub ah oo ka dhan ah carruurta

Qoraallo Cusub

Soomaaliya oo 14-ka Oktoobar dhaqan gelinaysa kala saaridda Wasiirrada iyo Xildhibaannada

Dhallinyarada Soomaaliya oo isu diyaarinaysa Shirka Cimilada Adduunka ee COP31

Booliska Jabuuti oo xiray maamule xawaalad oo lagu eedeeyay inuu lunsaday $18,570

Qaybaha