Soomaaliya oo cambaareysay xadgudubyada Israa’iil ee Masjidka Al-Aqsa

Muqdisho (Dawan) – Dowladda Federaalka Soomaaliya ayaa si kulul u cambaareysay gelitaankii Wasiirka Amniga Qaranka Israa’iil, Itamar Ben-Gvir, iyo kumannaan Israa’iiliyiin ah ee barxadaha Masjidka Barakeysan ee Al-Aqsa, iyagoo ay ilaalinayeen ciidamo badan oo ka tirsan booliska Israa’iil.

Gelitaankan ayaa dhacay 23-kii Luulyo 2026, xilli la xusayay munaasabadda Yuhuudda ee loo yaqaan Tisha B’Av.

Bayaan ay soo saartay Wasaaradda Arrimaha Dibadda iyo Iskaashiga Caalamiga ah ayaa lagu sheegay in falkaasi uu yahay xadgudub weyn oo lagu sameeyay karaamada iyo xurmada mid ka mid ah goobaha ugu barakaysan diinta Islaamka, isla markaana uu gef ku yahay dareenka malaayiinta Muslimiinta ah ee dunida ku nool.

Sida ay sheegtay Waaxda Awqaafta Islaamiga ah ee magaalada Qudus, 3,228 qof ayaa galay barxadaha Masjidka Al-Aqsa intii lagu jiray gelitaannadii subaxnimada, halka tirada guud ee maalintaasi ay kor u dhaaftay 4,200 qof.

Itamar Ben-Gvir ayaa muuqaal laga duubay gudaha goobta uu ku sheegay in Yuhuuddu ay halkaasi ku tukanayaan, isla markaana ay dareemayaan inay xaq u leeyihiin goobta. Hadalladiisa iyo gelitaankiisa ayaa cambaareyn xooggan kala kulmay Falastiin, Urdun iyo dalal kale oo Carbeed iyo Islaam ah.

Dowladda Soomaaliya ayaa sheegtay inay mar kale adkaynayso mowqifkeeda ku aaddan taageerada shacabka Falastiin, isla markaana ay muhiim tahay ilaalinta xaaladda taariikhiga ah iyo tan sharci ee goobaha barakeysan ee ku yaalla magaalada Qudus.

Sidoo kale, Dowladda Federaalka Soomaaliya ayaa ugu baaqday beesha caalamka iyo Golaha Ammaanka ee Qaramada Midoobay inay qaadaan tallaabooyin lagu joojinayo falalka kicinta xambaarsan, isla markaana lala xisaabtamo cid kasta oo ku lug leh xadgudubyada ka dhanka ah goobaha barakeysan ee Muslimiinta.

Dowladda Soomaaliya ayaa ugu dambeyn xaqiijisay inay garab taagan tahay shacabka Falastiin iyo xaqooda sharciyeed ee ay u leeyihiin dowlad madax-bannaan, iyadoo mar kale taageertay xalka labada dowladood oo ay ku tilmaantay jidka lagu gaari karo nabad iyo xasillooni waarta oo ka hirgasha Bariga Dhexe.

Soomaaliya oo cambaareysay xadgudubyada Israa’iil ee Masjidka Al-Aqsa

Sidee Dowladda Jabuuti uga falcelisay khasaarihii ka dhashay duufaannadii Mouloud?

Maxaa laga filan karaa shirka mustaqbalka AUSSOM ee Kampala?

Maxay tahay digniinta uu Firdhiye u diray Somaliland?

Maxay gaar la tahay doorashada Galmudug ee berri dhaceysa?

Maqaallo La Xidhiidha

Midowga Haybad Qaran oo ka horyimid soo jeedinta Golaha Mustaqbalka ee Gole Kumeelgaar ah

Waa sidee Cimilada Magaalooyinka Soomaalida?

Cumar Cabdirashiid oo ka digay in colaadda Gaalkacyo ay qalalaase ka dhaliso Puntland

Qaybaha

Qoraallo Cusub

Sidee Dowladda Jabuuti uga falcelisay khasaarihii ka dhashay duufaannadii Mouloud?

Maxaa laga filan karaa shirka mustaqbalka AUSSOM ee Kampala?

Soomaaliya oo cambaareysay xadgudubyada Israa’iil ee Masjidka Al-Aqsa