Muqdisho (Dawan) – Soomaaliya ayaa daahfurtay wajiga labaad ee barnaamijka maalgelinta xoolaha ee XOOLO-Maal, kaas oo lagu ballaarinayo helitaanka adeegyada maaliyadeed ee waafaqsan Shareecada Islaamka ee xoolo-dhaqatada, ganacsatada iyo shirkadaha yaryar iyo kuwa dhexe (SMEs) ee ka shaqeeya silsiladda xoolaha.
Mas’uuliyiinta ayaa sheegay in barnaamijka uu taageero ka helayo hay’adaha Mercy Corps iyo SIDA, iyadoo wajigiisii koowaad oo bilaabmay bishii Janaayo 22026 ay ka ffaa’iideysteen ku dhowaad 300 qof, halka wajiga labaad lagu beegsanayo 300 kale
Barnaamijkan ayaa diiradda saaraya xoolo-dhaqatada, gaadiidleyda xoolaha, ganacsatada iyo shirkadaha ku lug leh silsiladda wax-soo-saarka xoolaha, iyadoo si gaar ah loo taageerayo haweenka, dhalinyarada iyo bulshada nugul.
Munaasabadda daah-furka waxaa ka qeyb galay wakiillo ka socday hay’adaha Gargaara, AECF, SDRB, Concern Worldwide, YouthLink, Shuraako, UNIDO, SOMMA, SPA, bangiyada, Bangiga Dhexe ee Soomaaliya, shirkadaha gaarka loo leeyahay iyo sidoo kale Guddiga Xoolaha ee Baarlamaanka Soomaaliya.
