Muqdisho – 8 Janaayo 2026 (Dawan)- Wasaaradda Beeraha iyo Waraabka Dowladda Federaalka Soomaaliya ayaa shalay $50,000 ku abaal-marisay 10 shirkadood oo ku guuleystay Tartanka Hal-Abuurka Furan ee Suuq-helidda Beeraleyda Soomaaliyeed 2025, si loo xoojiyo horumarinta wax-soo-saarka beeraha, hal-abuurka ganacsiga, iyo abuurista fursado shaqo.
Shirkad kasta waxaa la gudoonsiiyay $5,000, iyadoo ujeeddadu tahay in ay horumariyaan tijaabada iyo hirgelinta xalalka hal-abuurka ee ay soo bandhigeen. Wajiga labaad ee mashruuca waxaa u soo gudbi doona 5 shirkadood, halka wajiga ugu dambeeya ay ku soo harayso hal shirkad oo keliya.
Barnaamijkan waxaa maalgelinaya mashruuca RLRP iyo hay’adda IFAD, waxaana fulinaya Xarunta Hal-abuurka iyo Horumarinta Beeraha ee CIAD iyo Waaxda Ganacsiga, Maalgashiga, iyo Iskaashatooyinka ee Wasaaradda Beeraha.
