Muqdisho (Dawan)- Soomaaliya ayaa sheegtay inay doonayso in haweenka loo xaqiijiyo qoondada 30% ee doorashooyinka qof iyo cod, iyadoo sidoo kale la xoojinayo ka-qaybgalka dadka naafada ah.
Wasiirka Qoyska iyo Horumarinta Xuquuqul Insaanka, Khadiija Maxamed Al-Makhzoumi, ayaa arrintan kala hadashay Guddoomiyaha Guddiga Madaxa-bannaan ee Doorashooyinka Qaranka iyo Soohdimaha, Cabdikariin Axmed, sida ay sheegtay wasaradda Arbacadii. Kulanka ayaa diiradda lagu saaray sidii labada hay’adood ay uga wada shaqeyn lahaayeen ilaalinta qoondada haweenka iyo xaqiijinta ka-qaybgalka dadka naafada ah ee geeddi-socodka doorashooyinka.
