Soomaaliya oo hiigsaneysa in iskaashiga Mareykanka uusan ku koobnaan amniga

Waxa uu tilmaamay in ajandaha wadajirka ah ee labada dal uu hadda ka ballaaran yahay amniga, islamarkaana uu xoogga saarayo horumarinta ganacsiga, maalgashiga, tiknoolajiyadda, kaabeyaasha dhaqaalaha iyo ka faa’iideysiga fursadaha uu leeyahay dhaqaalaha buluugga ah.

Madaxweynaha ayaa sidoo kale sheegay in Dowladda Federaalka Soomaaliya ay waddo dib-u-habeynno sharci iyo kuwo hay’adeed oo lagu xoojinayo hannaanka dowladnimada, laguna abuurayo jawi ku habboon ganacsiga iyo maalgashiga.

Waxa uu uga mahadceliyay Dowladda Mareykanka taageerada ay muddada dheer siineysay Soomaaliya, gaar ahaan xoojinta hay’adaha dowladda, hirgelinta dib-u-habeynta dhaqaalaha, taageeridda horumarka iyo dadaallada lagu xaqiijinayo nabadda iyo amniga

Madaxweyne Xasan Sheekh ayaa ugu dambeyn ugu hambalyeeyay Dowladda iyo shacabka Mareykanka munaasabadda sannad-guuradii 250-aad ee madax-bannaanida dalkaas, isaga oo sheegay in munaasabaddani ay fursad u tahay in dib loo milicsado iskaashiga labada dal iyo kaalinta uu ku leeyahay horumarinta nabadda, xasilloonida iyo barwaaqada.