Muqdisho (Dawan) – Dowladda Federaalka Soomaaliya ayaa amartay in calanka qaranka hoos loo dhigo muddo saddex maalmood ah, si loogu baroordiiqo geerida Amiirkii hore ee Qatar, Sheekh Xamad bin Khaliifa Al Thaani.
Qoraal ka soo baxay Wasaaradda Warfaafinta, Dhaqanka iyo Dalxiiska Soomaaliya ayaa lagu sheegay in go’aanka uu bixiyay Madaxweyne Xasan Sheekh Maxamuud, isla markaana dhammaan hay’adaha dowladda laga doonayo inay calanka Soomaaliya hoos u dhigaan muddada baroordiiqda.
"Iyada oo la fulinayo Amarka Madaxwaynaha Jamhuuriyadda Federaalka Soomaaliya Mudane Dr. Xasan Sheekh Maxamuud, waxaa lafarayaa dhammaan Hay’adaha Dawladda in ay hoos u dhigaan Calanka Jamhuuriyadda, taas oo ah Dareen Walaalnimo oo ay Soomaaliya ku garab istaagayso shacabka iyo dowladda aan walaalaha nahay ee Dalka Qatar kadib Geerida ku timid Amiir Xamad Bin Khaliifa Al Thaani" ayaa lagu yiri qoraalka Wasaaradda
Wasaaraddu waxay sheegtay in tallaabadani ay muujinayso xiriirka walaaltinimo iyo garab istaagga Soomaaliya ay u hayso dowladda iyo shacabka Qatar.
