Soomaaliya, 9 Abriil 2026 (Dawan)— Wasaradda Gaashaandhigga Soomaaliya ayaa maanta oo Khamiis ah sheegtay in duqayn xagga cirka ah oo laga fuliyay gobolka Mudug lagu dilay qiyaastii 70 dagaalame oo ka tirsan Al-Shabaab.
Wasaaradda Gaashaandhigga ayaa tilmaamtay in Ciidanka Xoogga Dalka Soomaaliyeed, oo kaashanaya saaxiibada caalamiga ah, inay fuliyeen hawlgal dhanka cirka ah oo la qorsheeyay, kaasoo lala beegsaday goob ay ku sugnaayeen kooxda oo ku taal agagaarka Tawermooge, oo qiyaastii 8 km dhanka koonfureed ka xigta deegaanka Caad, 45 km dhanka waqooyina ka xigta degmada Xarardheere.
Wasaaraddu waxwy intaas raacisay in duqayntu ay ku dhacday goob ay kooxdu ku urursanayd iyadoo ujeedadu ahayd inay qorsheeyaan weerarro ka dhanka ah dadka rayidka ah iyo inay wiiqaan amniga dalka sida ay sheegtay wasaaradda.
