Moqdishu, 9 December, 2025 (Dawan)- Wasaaradda Gaashaandhigga Soomaaliya ayaa maanta ku dhawaaqday in Ciidanka Kumaandooska Danab ay hawlgal qorshaysan ka fuliyeen degaanka Towfiiq ee hoos taga degmada Tora-Toorow, gobolka Shabeellaha Hoose, halkaas oo ay ku qabteen labo qof oo lagu tuhunsan yahay inay ka tirsanaayeen Al-Shabaab.
Sida lagu xusay war-saxaafadeedka Wasaaradda, mid ka mid ah ragga la qabtay ayaa lagu magacaabaa Zakariye, waxaana la sheegay inuu dhalay Macallim Cabdiraxmaan, oo ka mid ahaa saraakiisha sare ee Al-Shabaab ee weli ay ciidammadu baadi-goobayaan.
Warsaxaafadeedka ayaa lagu yiri; " Mid ka mid ah dhagar-qabayaashan, oo lagu magacaabo Sakariye, ayaa baaritaan kadib lagu ogaaday inuu yahay wiil uu dhalay Macallin Cabdirahmaan, oo ka mid ah horjoogayaasha Khawaarijta ee ay Ciidamada Qaranku ku raad joogaan."
