Muqdisho (Dawan) – Golaha Shacabka Soomaaliya ayaa maanta si rasmi ah u ansixiyay Sharciga Daawada iyo Agabka Caafimaadka Soomaaliya, kaas oo loogu talagalay hubinta, ilaalinta, nidaaminta, iyo xakameynta tayada, badqabka, iyo waxtarka daawooyinka dalka.
Sharcigan ayaa si weyn u ciqaabaya qof kasta oo samaysa daawo been abuur ah ama aan haysan ruqsad caafimaad oo iibinaya daawooyin, iyadoo xukunka uu noqon karo xabsi, ganaax, ama labadaba. Waxaa ansixiyay 141 xildhibaan, hal xildhibaan ayaa aamustay, mana jirin cid diidday.
Sharcigan wuxuu sidoo kale dhidibada u taagaya Hay’adda Daawada iyo Agabka Caafimaadka Soomaaliya, taas oo awood u yeelan doonta kormeerka, nidaaminta, iyo xayaysiinta daawooyinka iyo agabka caafimaadka si loo hubiyo in bulshada aan lagu marin habaabin.
Qodobada ugu muhiimsan ee sharcigan:
Qodobka 4aad: Waxaa lagu dhaqayaa dhammaan daawooyinka loo isticmaalo nolosha aadanaha iyo agabka qurxinta.
