Sweden oo bilowday xiriirka diblomaasiyadeed ee Eritrea

Wasaaradda Warfaafinta Eritrea ayaa sheegtay in booqashadan ay muujinayso danta guud ee labada dal ka dhexeeysa ee ku saabsan xoojinta xiriirka diblomaasiyadeed iyo iskaashiga.

Arrintan ayaa imaaneysa iyada oo dowladda Eritrea ay dhowaan sii deysay ugu yaraan 98 qof kuwaas oo sannado badan ku xirnaa xabsiyo. Tallaabadan ayaa waxaan soo dhoweeyay Xafiiska Xuquuqul Insaanka ee Qaramada Midoobay oo ku tilmaamay mid dhiirrigelin mudan, wuxuuna sidoo kale ku baaqay in la sii daayo dhammaan maxaabiista weli xabsiyada ugu jira si aan sharciga waafaqsanayn.

Xoghayaha Sare ee Xuquuqul Insaanka Qaramada Midoobay ayaa ku qiyaasay in ku dhawaad 10,000 oo qof ay weli ku jiraan xabsiyo si aan sharciga waafaqsanayn oo ay ku jiraan siyaasiyiin, wariyeyaal, wadaaddo, iyo arday, wuxuuna caddeeyay inay diyaar u yihiin wada shaqeyn lala yeesho dowladda Eritrea si loo hubiyo u hoggaansanaanta xeerarka caalamiga ah ee xuquuqda aadanaha.