Muqdisho (Dawan)— Ururka Siyaasadeedka Towfiiq ayaa laga saaray liiska ururada u tartamaya doorashada ku celiska ah ee Dowlad Goboleedka Galmudug oo Guddigga doorashooyinka uu soo saaray maanta taas oo loo qorsheeyay 30-ka Sebteembar 2026.
Guddiga Madaxa-bannaan ee Doorashooyinka Qaranka iyo Soohdimaha ayaa maanta shaaciyay 12 urur oo soo gudbiyay liisaska musharraxiintooda muddadii loo qabtay. Ururrada liiska ku jira ayaa kala ah: Caddaaladda iyo Midnimada, Madalsan, Muwaadaniinta Soomaaliyeed, Dimuqraadiga Soomaaliyeed, Caddaaladda iyo Wadajirka, Dadka Soomaaliyeed, Karaama, Saab, Dan Shacab, Sincad, Dhalinyarada Talo Qaran iyo Ramaas.
Towfiiq, oo ka qaybgalay doorashadii hore ee Galmudug ee la qabtay 30-kii Luulyo, kuma jiro liiska cusub. Guddiga doorashooyinku warsaxaafadeedkiisa kuma caddeyn sababta ururka looga waayay tartanka, iyo in uusan soo gudbin musharraxiin iyo inay jiraan shuruudo kale oo uu uga haray tartanka.