Washington, 21 Janaayo 2026( Dawan)- Madaxweynaha Mareykanka Donald Trump ayaa sida looga bartay mar kale eedeyn kala dul dhacay Soomaalida, isagoo ku sheegay in burcad-baddeednimadu tahay “qiyaastii waxa kaliya” ee dalka lagu yaqaan, xilli uu shir jaraa'id ku qabtay Talaadadii Aqalka Cad.
Trump ayaa ku dooday in ficillada Mareykanka ee lagu beegsanayo maraakiibta burcad-baddeeddu ay hoos u dhigeen weerarradii lagu qaadi jiray maraakiibta ganacsiga. “Haddaba markii ay timaado Soomaaliya—Soomaalida—ma ogtihiin waxa ay ku fiican yihiin? Taasi qiyaastii waxa kaliya ee ay ku fiican yihiin, waa afduubka maraakiibta badda. Maraakiibta waaweyn,” ayuu yiri.
Madaxweynaha Mareykanka ayaa sidoo kale ku tilmaamay burcad-baddeedda Soomaalida inay khatar weyn ku yihiin maraakiibta shidaalka, isaga oo xusay in shirkadaha caymiska ay inta badan bixiyaan madax-furasho halkii ay halis ugu geli lahaayeen waxyeello ku timaada maraakiibta qiimahoodu ka badan yahay $1 bilyan.
