Ankara (Dawan)- Madaxweynaha Turkiga, Recep Tayyip Erdoğan iyo wafdi uu hoggaaminayo ayaa booqasho ku tegaya maanta magaalada Addis Ababa ee caasimadda Itoobiya, halkaas oo lagu wado inay ku qabsoomaan kulamo heer sare ah iyo saxiixa heshiisyo laba geesood ah.
Sida ay sheegtay madaxtooyada Turkiga, Erdoğan ayaa inta uu joogo Addis Ababa la kulmi doona Ra’iisul Wasaaraha Itoobiya, Abiy Axmed, si ay uga wada hadlaan xoojinta xiriirka labada dal, gaar ahaan dhinacyada ganacsiga, maalgashiga, amniga iyo arrimaha gobolka.
Kulamada kaddib, labada dhinac ayaa la filayaa inay kala saxiixdaan heshiisyo dhowr ah, waxaana sidoo kale qorshaysan shir jaraa’id oo wadajir ah oo ay hoggaamiyayaashu ku faahfaahin doonaan natiijada wadahadallada.
