Muqdisho (Dawan)- Waxaa qoray; Macallin,Maxamuud Cali Aadan Hoorri—cilmibaare ka tirsan Akademiyada Cilmiga, Dhaqanka iyo Suugaanta Soomaaliyeed & bare ka tirsan macallimiinta Jaamacadda Ummadda Soomaaliyeed–Muqdisho.
Maansadani, waxa ay soo baxday 19\2\2015-kii, waxa ayna diiradda saaraysaa kaalinta Barahu ku leeyahay bulshada dhexdeeda, macalinku waa buddhiga horseedka, marna waa halbowlaha haba xididaha jiritaanka, tallaala geedka horumarka bulsho.
Shaki kuma jiro; inuu macalinku diyaariyo hormudka dadweynaha. Muddo 10 gu’ ah ayaan ku dhexjirey xarumaha waxbarashada iyo goobaha ka shaqeeya xirfadda tacliinta.Maansadan kooban waxa aan kaga hadlay miraha macalinka si guud, gaar ahaan kan Soomaaliyeed.
Bulsho kasta oo gaarta tanaad iyo tisqaad nololeed ogow “waa bulsho tixgelisa baraha”. Dhanka kale, bulsho kasta oo hoos uga dhacda dhabbaha guusha kuna hoos noqota burburkeeda ogow “waa bulsho bahdisha baraha”.
Dhaqanside abwaankow
Ababshihii dhallaankow
Indhoweyd dhankeedii
Dhigaalkaygi maansada
Dhaad baan ku xirayo
Ma dhanbalin halkeedii
Mana dhimin shenkeedee
Mana dhumin tixdaydii
Dhoon baan ku shubayo
Dhitadii ku keydshee
Wuxu gogol dhiggiiyahay
Dhallintii dalkaygaay
Dheeha aan ka qaadee
Bare iyo dhanbaalkii.