Baydhabo (Dawan) – Xisbiga Cadaaladda iyo Wadajirka (JSP) ee Soomaaliya ayaa ku dhawaaqay in Sheekh Aadan Maxamed Nuur Madoobe uu yahay musharraxa madaxweynaha Dowlad Goboleedka Koonfur Galbeed, sida uu sheegay xoghayaha guud ee xisbiga.
Xoghayaha guud ee JSP, Xuseen Sheekh Maxamuud, ayaa hadalkan ka sheegay garoonka diyaaradaha Shaati Gaduud ee Baydhabo maanta oo Arbaco ah, kadib markii uu gaaray magaalada.
“Waxaan Baydhabo u nimid inaan ku dhawaaqno in musharraxa madaxweynaha Koonfur Galbeed ee JSP uu yahay Sheekh Aadan Madoobe,” ayuu yiri.
