Muqdisho (Dawan)– Guddoomiyaha Guddiga Farsamada ee Golaha Mustaqbalka Soomaaliyeed, sidoo kale xubin ka ah Guddiga Dib-u-eegista Dastuurka, xildhibaan Cabdullaahi Abuukar Xaaji Carab, ayaa rajo ka muujiyay in heshiis lagu gaari doono shirka wadatashiga qaranka ee lagu ballansan yahay 1-da Febraayo, isaga oo sidoo kale sheegay in tallaabooyin la qaadi doono haddii uu shirka fashilmo.
Xildhibaanka, oo warsysi gaar ah siiyay Dawn Media, ayaa yiri: “Haddii lagu heshiisan waayo waa la tashanaya, laakin waxaan rajeynayaa in lagu heshiiyo.”
Waxa uu intaas ku daray tallaabada la qaadi doono hadduu la isku fahmi waayo wadatashiyada labada dhinac isaga oo yiri : “Shirwayn baa la qaban doona ... shirkaas wixii kasoo baxa ayaa lagu dhaqaaqi doona.”
