Muqdisho (Dawan)— Wasiirka Caafimaadka Soomaaliya Cali Xaaji Aadan ayaa maanta kulan soo dhoweyn iyo xog-is-weydaarsi ah la yeeshay Xoghayaha Guud ee cusub ee Golaha Mihnadlayaasha Caafimaadka Qaranka, Cumar Axmed Qaadi, kaddib magacaabistiisa xilka.
Wasiirka ayaa soo dhoweeyay maamulka cusub, isaga oo muujiyay muhiimadda ay leedahay wada-shaqeynta iyo isku-duwidda hawlaha la xiriira horumarinta mihnadaha caafimaadka dalka.
Kulanka ayaa sidoo kale fursad u ahaa isbarasho iyo xog-is-weydaarsi ku saabsan waajibaadka shaqo ee Golaha Mihnadlayaasha Caafimaadka Qaranka.
