Xagguu ku sugan yahay Laftagareen?

Addis Ababa (Dawan)- Madaxweynaha dowlad Goboleedka Koofur Galbeed Soomaaliya Cabdi Casiis Laftagareen ayaa magaalada Jiddah ee Boqortooyada Sucuudiga ka dhoofay maqribnamadii Axadda isaga isla habeennimo gaaray magaalada Adisababa ee dalka Ethiopia, sida ay Dawan u xaqiijiyeen ilo qeyb ka ahaa qorsheynta safarkiisa.

Ujeedka safarka Laftagareen ayaa ah inuu Baydhabo ku gaaro dhanka dhulka isaga oo maraya xadka u dhaxeeya Soomaaliya iyo Ethiopia. Arrinkaan ayaa yimid kadib kala fogaansho dhanka aragtida doorashada iyo dastuurka ku saabsan oo soo kala dhex gashay madaxweynaha Dowladda Federaalka ah Xasan Sheekh Maxamuud iyo Madaxweynaha Koofur Galbeed Cabdicasiis Laftagareen.

Laftagareen ayaa xubno ka tirsan mucaaradka Madasha Mustaqbalka u sheegay in Dowladda Federaalka ay qorsheyneyso inay ka mamnuucdo inuu Baydhabo u safro, xilli xiisad dagaal hubeysan ah ay ka kacsan tahay dhowr deegaan oo Koofur Galbeed ah isla markaana salka ku heyso doorashada dwolad goboleedka.

Dawan TV ayaa ilo dublamaasiyadeed oo Soomaali iyo Ethiopian leh ka xaqiijiyay xiriirro labada dowladood ee Soomaaliya iyo Ethiopia dhex maray oo ku saabsan safarka uu madaxweyne Laftagareen ku joogo Adisababa.