Xamse oo xarigga ka jaray waddo 2 KM ah oo laga hirgeliyay degmada Deyniile

Waxa uu intaa ku daray in maamulka Gobolka Banaadir uu qorsheynayo hirgelinta waddooyin kale oo dheeraad ah, hase yeeshee mudnaanta ugu weyn ay tahay fulinta mashruuca biyo-mareennada magaalada Muqdisho si looga hortago fatahaadaha xilliyada roobabka.

Ra’iisul Wasaare Xamse Cabdi Barre ayaa dhankiisa ku boorriyay maamulka gobolka iyo shacabka inay ilaaliyaan nadaafadda iyo bilicda waddooyinka cusub, si loo joogteeyo faa’iidada kaabeyaasha la dhisayo.

"Jidadka waa la dhisay, waana qurux badan yihiin. Laakiin waxaa muuqata in dhinaca nadaafadda ay weli wax naga dhiman yihiin. Aan yeelanno dhaqan nadaafadeed oo aan waddooyinkan uga ilaalinno qashinka, si ay u sii ahaadaan kuwo u qurux badan sida maanta," ayuu yiri Ra’iisul Wasaaraha.

Furitaanka waddadan ayaa loo arkaa tallaabo kale oo lagu xoojinayo dadaallada ay Dowladda Federaalka Soomaaliya iyo Maamulka Gobolka Banaadir ku horumarinayaan kaabeyaasha dhaqaalaha iyo adeegyada aasaasiga ah ee magaalada Muqdisho.