Muqdisho (Dawan)- Xafiiska Xeer Ilaaliyaha Guud ee Qaranka ayaa sheegay inuu baaris ku wado fal ka dhacay magaalada Muqdisho oo ay dhibane u tahay gabar Soomaaliyeed, kaas oo lagu faafiyey baraha bulshada. Xafiisku wuxuu sheegay in dhacdadan ay ka mid tahay falalka anshax-darrada ah ee dhaawacaya sharafta, dhaqanka iyo akhlaaqda bulshada Soomaaliyeed.
War-saxaafadeed ka soo baxay Xafiiska Xeer Ilaaliyaha Guud ayaa lagu sheegay in si gaar ah loo baarayo dhacdadan, iyadoo la tilmaamay in dhalinyaro lagu eedeeyay inay ku xadgudbeen gabadhaasi, kadibna falka lagu baahiyey baraha bulshada.
Xafiiska ayaa sheegay in tallaabo adag laga qaadi doono qof kasta oo lagu helo inuu qayb ka ahaa falka, ama ka qayb qaatay faafinta waxyaabaha anshax-darrada ah ee lagu baahiyey baraha bulshada.