Soo raraya...
Maqaalka waa la soo dejinayaa...
Is-casilaaddeedu waxay kusoo beegmaysaa xilli xubno kale ay hore uga tageen xisbiga, iyagoo sababo kala duwan u cuskaday go’aankooda.
Soomaaliya (Dawan)- Xildhibaan Fardowsa Cismaan Cigaal, oo ka mid ah xildhibaannada federaalka, ayaa si rasmi ah u shaacisay inay iska casishay xubinnimadii ay ka haysay Xisbiga Caddaaladda iyo Wadajirka (JSP).
Qoraal kooban oo ay ku baahisay barteeda bulshada ee Facebook, ayay ku sheegtay inay ka tagtay xisbiga, iyadoo hore uga haysay xilka Xoghayaha Batroolka iyo Macdanta ee JSP.
Xildhibaannadu ma aysan bixin faahfaahin dheeraad ah oo ku saabsan sababaha ku kallifay go’aanka ay qaadatay.
Maqaallo la xidhiidha
“Aniga oo ah Xildhibaan Fardowsa Osman Egal, waxaan iska casilay Xisbiga Caddaaladda iyo Wadajirka (JSP), oo aan ka ahaa Xoghayaha Batroolka iyo Macdanta,” ayay ku tiri qoraalkeeda.
Is-casilaaddan ayaa kusoo beegmaysa xilli ay horay u jireen xubno dhowr ah oo iska casilay xilalkii ay ka hayeen Xisbiga Caddaaladda iyo Wadajirka, ee uu hoggaamiyo Madaxweyne Xasan Sheekh Maxamuud. Xubnahaas ayaa sababo kala duwan ku sheegayay ka tagitaanka xisbiga talada haya.
