Soomaaliya, 16 Febraayo 2026 (Dawan) – Ciidamada dowladda Soomaaliya iyo kuwa deegaanka ee Macawisleyda ayaa fiidnimadii Axadda hawlgal qorsheysan ka fuliyay bartamaha gobolka, iyagoo ku dilay afar xubnood oo ka tirsan Al-Shabaab, sida lagu sheegay qoraal ka soo baxay Wasaaradda Gaashaandhigga Soomaaliya.
Sida ay wasaaraddu sheegtay, hawlgalkan oo ay si wadajir ah waxaa u fuliyay Ciidanka Xoogga Dalka Soomaaliyeed iyo ciidamada deegaanka ee loo yaqaano Macawisleyda, ayaa lagu beegsaday koox dagaalyahanno ah oo ku socdy deegaannada Yasooman iyo Moqokori.
Wasaaradda Gaashaandhigga ayaa xustay in ciidamadu ay ka hortageen kooxdaas, kaddib markii ay heleen xog ku saabsan dhaqdhaqaaqyo ay damacsanaayeen inay ku dhibaateeyaan dadka rayidka ah.
