Baku (Dawan)- Wasiirka Dhaqaalaha iyo Maaliyadda Jabuuti, Ilyaas Muuse Dawaaleh, ayaa digniin ka bixiyay saameynta sii kordheysa ee isbeddelka cimilada ku yeelan karto xasiloonida Geeska Afrika, isagoo sheegay in xaaladdan ay sii xoojinayso nuglaanta hore ee gobolka, sida lagu sheegay Wakaaladda Wararka Jabuuti.
Dawaaleh ayaa khudbad ka jeediyay magaalada Baku intii lagu guda jiray shir heer wasiirro ah oo ka dhacay shirarka sanadlaha ah ee Bangiga Horumarinta Islaamka (IDB), isagoo tilmaamay in isbeddelka cimiladu uu noqday “qodob xooggan oo sii xoojiya khataraha” ay wajahayo gobolka.