Jabuuti – Wasiiradda Dhalinyarada iyo Dhaqanka ee Jamhuuriyadda Jabuuti, Hibo Muumin Casoowe, ayaa si rasmi ah u furtay xuska Maalinta Buugaagta Adduunka, oo sanadkan si heer sare ah looga xusay xarunta Madbacadda Qaranka ee caasimadda.
Xuska waxa uu qeyb ka ahaa Bandhigga Buugaagta Saddexaad ee Jabuuti, oo lagu soo bandhigay buugaag kala duwan oo ka hadlaya dhinacyo badan sida sayniska, suugaanta, waxbarashada, iyo hal-abuurka.
Munaasabadda ayaa isu keentay qoraayaal, suxufiyiin, arday iyo masuuliyiin kala duwan, iyada oo lagu adkeeyay doorka buugaagtu ay ku leeyihiin horumarinta fikirka, ilaalinta dhaqanka iyo dhisidda bulsho aqoon leh.