Jabuuti ayaa qaaday tallaabo muuqati oo horumarineed oo lagu xoojinayo dib-u-isticmaalka biyaha wasakhda ah ee la sifeeyay, taasoo qayb ka ah dadaallada la xiriira ilaalinta deegaanka, yaraynta cudurrada biyaha laga qaado, iyo kor u qaadidda adeegyada nadaafadeed ee magaalooyinka.
16-ka Juun 2025, wajiga labaad ee xarunta sifeynta bulaacada ee Douda ayaa si rasmi ah loo furay, iyadoo xaruntu hadda awood u leedahay sifeynta biyaha wasakhda ah ee u dhigma kuwa dabooli kara baahida 40,000 oo qof.
Mashruuca waxaa si wadajir ah u maalgelinaya Hay’adda Horumarinta Faransiiska (AFD) iyo Midowga Yurub, wuxuuna qayb ka yahay Mashruuca Ballaarinta iyo Dayactirka Shabakadda Nadaafadda ee Jabuuti (PERRAD). Ujeeddada mashruucan waa in la helo nidaam nadaafadeed oo casri ah oo gaara illaa 30,000 qof, gaar ahaan degmooyinka 5, 6, 7, 7-bis iyo Cité Stade, halkaas oo shabakad cusub oo bulaacad ah laga dhisayo, tii hore ee jirteyna dib loo dayactirayo.