Muqdisho (Dawan) – Madasha Ganacsiga Midowga Yurub iyo Soomaaliya 2026 ayaa maanta Muqdisho laga daahfuray, iyadoo looga gol leeyahay xoojinta maalgashiga, horumarinta ganacsiga gaarka loo leeyahay iyo isku xirka ganacsatada Soomaaliyeed iyo maalgashadayaasha iyo shirkadaha reer Yurub.
Madasha oo hal-ku-dhiggeedu yahay “ MaalgashoSoomaaliya: Furitaanka Suuqyada leh Fursadaha Maalgashiga Sare” ayaa diiradda lagu saarayaa fursadaha maalgashi ee Soomaaliya, horumarinta ganacsiga, isku xirka suuqyada iyo sidii loo heli lahaa maalgelin taageerta kobaca ganacsiga gaarka loo leeyahay.
Munaasabadda furitaanka waxaa ka qeybgalay Safiirka Midowga Yurub ee Soomaaliya, László Eduárd Máthé, Wasiirka Qorsheynta, Maalgashiga iyo Horumarinta Dhaqaalaha, Maxamuud Cabdiraxmaan Sheekh Faarax, Wasiirka Beeraha iyo Waraabka, Maxamed Cabdi Xayir iyo Wasiirka Ganacsiga iyo Warshadaha, Jamaal Maxamed Xasan.
