Muqdisho (Dawan)- Madaxweynaha Soomaaliya Xasan Sheekh Maxamuud ayaa Isniintii hambalyo u diray Ra’iisul Wasaaraha Itoobiya Abiy Axmed kaddib markii mar kale loo doortay xilka, isagoo sheegay inuu doonayo in si dhow looga wada shaqeeyo xoojinta xiriirka labada dal.
Xasan Sheekh ayaa qoraal uu ku baahiyay barta X ugu rajeeyay Abiy guul xilligiisa cusub, isagoo sheegay inuu rajeynayo in labada dhinac ay ka wada shaqeeyaan horumarinta nabadda, xasilloonida iyo barwaaqada wadaagga ah ee labada shacab iyo guud ahaan Geeska Afrika.
